Aðdragandinn | Jólabókastundir alla mánudaga í nóvember

Líður að jólum og nýir titlar flæða í hillurnar, okkur til mikillar gleði. Bókasafn Hafnarfjarðar hampar vel völdum höfundum og framlagi þeirra til jólabókaflóðsins í hverri viku nóvembermánaðar á mánudögum kl. 17:30.

3. nóvember hleypir Kári Valtýsson Aðdragandanum úr vör í ár með glæpasögunni Hyldýpi. Hann blandar saman raunveruleika og skáldskap í ólíkum sögum þriggja einstaklinga sem tvinnast saman með afdrifaríkum hætti.

Þann 10. nóvember kemur Emil Hjörvar Petersen með framtíðardystópíuna Eilífðarvetur. Sagan gerist eftir að siðmenning nútímans leið undir lok, fortíðin hefur fallið í gleymsku og frumstæð ættbálkasamfélög draga fram lífið við nær ómögulegar aðstæður.

Þriðja mánudag nóvembermánaðar, þann 17. nóvember, mætir Margrét Höskuldsdóttir með Lokar augum blám, annarri bók seríunnar um lögregluteymið Rögnu og Berg. Þetta er Vestfjarðaglæpasaga í klassískum anda sem fær hárin til að rísa.

Lilja Ósk Snorradóttir slær svo botninn í dagskrána með bókinni Heimsins besti dagur í helvíti, sem er fyrsta bók Lilju - hrá, einlæg, átakanleg og á köflum fyndin frásögn af því hvernig lífið getur breyst á einu andartaki.

Að sjálfsögðu er ókeypis inn, heitt á könnunni og allir í kósí jólaskapi!

You may also like the following events from Bókasafn Hafnarfjarðar:

• This Tuesday, 21st October, 01:00 pm, Manga og persónusköpun | Smiðja í vetrarfríi in Hafnarfjörður
• This Tuesday, 21st October, 05:30 pm, Veldu þér viðhorf | Fyrirlestur um jákvæða sálfræði in Hafnarfjörður
• This Saturday, 25th October, 12:00 pm, Plötumarkaður á Bókasafni Hafnarfjarðar in Hafnarfjörður